與貓同食

#‎工廈貢貢下系列‬

呢間貓貓Cafe係工廈入面,地方唔算好大,但入面嘅餐枱都擺放得好雅緻,唔會令人覺得好逼。一入到去見到有個好得意嘅東東叫做~梅子貓貓族譜~,原來呢間小cafe有成11隻貓貓㗎!佢哋啲名全部都係嘢食嚟,芝麻、紅豆、蝦米,萌爆~

除咗族譜,店主仲幫佢哋整左幾本「梅子家族趣事」相簿,入面有好多貓貓不為人知嘅日常趣事,店主仲幫貓貓們設計埋搞鬼對白,好有娛樂性!

貓貓嘅活動空間基本上係佈滿cafe嘅每一個角落,露魚檬去到嘅時候只係見到5隻,店主就話因為呢到好多貓貓都係「夜行動物」,佢地朝早都懶洋洋,唔蒲頭。不過好彩蒲咗頭嘅貓貓都唔係好怕生保,但就超有性格,想理你就好熱情行埋嚟,突然唔想理你又高傲行開,頭也不回。

因為地方唔大,食客同貓貓可以好互動,相信有唔少係熟客嚟,佢地同貓貓好close,好了解佢哋每一隻嘅習性:3

(部分食物相片由梅子貓舍提供)

發表迴響