尋找隱世粉嶺壁畫村

#‎你不知道的香港系列‬
如果我話約你去睇壁畫,你第一個諗到嘅地方會係邊到?歐洲?敦煌?抑或係韓國嘅梨花洞?咪住!咪住!哪有錢先?哪有假先?(唉~)唔洗驚,露魚檬係大廳,其實香港都有條土炮壁畫村㗎!話說係幾年前,粉嶺坪洋新村村民自發搞咗個活動,聯同幾個藝術團體嘅義工,用壁畫為條村做美化工程,增添下活力。露魚檬知道之後,都想去好耐㗎啦!但話明隱世,總係覺得唔會咁易就去到,所以咪一直得個講字囉。
不過今個weekend終於的起心肝,約左個friend,一早出發,原來都唔係真係咁遠㗎。首先要去粉嶺火車站C出口,搭52k小巴往坪輋方向,車程25分鐘到,係九記士多落。沿士多旁邊條小路一直行,見到另一間士多叫卓榮記,再向左轉就會見到!
一開頭見到嘅壁畫主要集中係路面上,大部分畫嘅係唔同種類嘅花,構圖都係偏向簡單、小清新,好有童心。之後就慢慢出現唔同嘅卡通人物,就好似minions同埋龍貓,畫風都係簡約自然為主,但超級色彩賓紛,睇完心情都靚咗唔少㗎!最估唔到係連高登膠神都有,夠哂local,夠哂土炮~
壁畫村嘅終點係一間油滿壁畫嘅屋仔,企係屋仔嘅牆前面影返張唔望鏡頭一念沉思嘅相,直頭覺得自己係個飽經滄桑嘅畫家。
成條壁畫村雖然唔長,但附近嘅田遠風光夠哂fresh! 想知道個環境幾舒服,就一定要留意下集嘅壁畫村後記啦!

1 留言

  1. OscarLam

    感謝分享!

發表迴響