「木」不暇給

#工廈貢貢下系列

上次帶大家玩咗啲刺激嘅嘢,露魚檬繼續扎根工廠區,不過今次就會介紹返一個相對靜態、文藝,但一樣咁好玩嘅活動⋯⋯(燈燈燈燈!)就係DIY整木工手作啦!

一上到 Make Centre,第一個反映係「嘩!好木啊!」(各位請注意,係中文嚟講,「木」本身唔係一個形容詞,不過呢個「木」字實在最最最最貼切去形容呢個工作室)!除咗所有擺設係木造,成個工作室嘅環境都係好raw、好素嘅木色colour tone,簡單自然~

掛牆擺設全部都係木造就唔洗講啦,但每一件作品都睇得出鬼虎神功嘅痕跡,特別係個鐵塔、摩天輪、檯燈,好細緻,整佢地出黎嘅人唔洗問都知係一等一武林高手!咁究境一個小嘍囉(好似露魚檬咁,有冇可能做到呢?)負責人話製品係以傳統木工技術加上Laser Cut科技,先可以做得咁精巧,佢就建議露魚檬買啲新手包嚟試下先,仲話比心機修練,一定都可以練成絕世神功咁話!

而收費方面就主要睇下想整咩手作,按其材料、難度收費,價目表可以係官方網頁睇到~ Workshops 就一般係閒日夜晚或星期六、日嘅時候搞。如果你都想扮下文青,又或者想handmade 木工手作仔做禮拜送俾BB豬,就不妨打個電話上去問問啦!

Make Centre

http://makecentre.com.hk/
新蒲崗五芳街19-21號嘉榮工業大廈4B
23459282

發表迴響