邊個話打工仔要Keep fit就冇啖好食?

#‪‎工廈貢貢下

工廠大廈係新一代搵食聖地相信大家都有聽聞,要係咁多間餐廳裡面突圍而出,gimmick 就梗係唔少得~凸派記者露魚檬今日就去左位於觀塘工廠區一間combine 咗fitness 同健康飲食嘅cafe到試好西!

Percent Kitchen & Fitness由三個背景好唔同但志同道合嘅朋友一齊夾份開,當中有前五星級酒店大廚,健身教練,同埋黎自台灣嘅飲食達人。5月中正式開業到依家,短短唔夠2個月,已經上哂軌道!

一入到去左邊係一個Gym room,細細地,但設備都好新淨,露魚檬去到嘅時候,咁啱有個小鮮肉同學仔上緊堂,見佢打完拳又舉鐵,成頭大汗,不過佢就話雖然濕哂但唔驚,因為有沖涼房~大隻教練話呢到有得做小組或者單對單訓練,時間、進度都彈性,而價錢比出面同類型課程平少少。

Gym room右邊就係食嘢嘅地方,露魚檬去既時候係lunch time,見到個Lunch set menu 都覺得價錢好合理,有湯有主菜有嘢飲都係60蚊以內,仲要每個set都幫你計埋卡路里,唔驚食過量。不過露魚檬就冇食到set lunch,而係食左個「運動後特別套餐」 (不過我食之前其實係冇運動到嘅,純粹好奇),主菜有三款揀,分別係雞胸、牛肉、龍脷柳,我就試咗個牛肉~成個餐幾fresh,light light 哋,但做完運動後食應該啱數~

最要一讚嘅係個自選蛋白特飲(新鮮水果+蛋白粉+自制yogurt) !我飲個杯用咗新鮮藍梅,一啲我最怕嘅藥水味到冇!

地址:觀塘開源道55號開聯工業中心B座11樓03A室 (港鐵觀塘站 B2 出口, 步行約4分鐘)
營業時間: 星期一至日: 11:00-22:00
電話號碼: 37065805

發表迴響